قرأت اليوم عبارة لـ تشارلي تشابلن كانت بمثابة طبطبة على ظهري وكالثلج على قلبي:

"Over the years I have discovered that ideas come through an intense desire for them; continually desiring, the mind becomes a watch-tower on the look-out for incidents that may excite the imagination"
— Charlie Chaplin, My Autobiography

ولاحقا أردف العبارة أعلاه بـ

"One must have a capacity to suffer anguish and sustain enthusiasm over a long period of time."

وكانت the cherry on the cake.

أول ردة فعل بعد قراءة عبارات مسلية كهذه هو فحص صحتها، هل صدقتها فقط لأني أريدها تكون صحيحة ولا نقدر نبرر صحتها صدق؟ في هالحالة أستطيع تبرير صحة العبارة هذي من خلال تجارب شخصية صغيرة.. وهذا يعني إن جزء مني كان يعرف الحقيقة اللي عبر عنها تشابلن.. لكن كل واحد منا يحتاج بين الحين والآخر تذكيره بالحقائق اللي يعرفها (واللي قد نكون ما نعرف نعبر عنها). من متع القراءة هو هذي الأسطر اللي تذكرنا بشيء نعرفه (هل هذا يعني إن فائدة/متعة القراءة تزداد كل ما زادت معرفتنا؟)

نرجع للاقتباس.. ميزة في هذي الحقيقة (خلاص راح أعتبر كلامه حقيقة) هي إنها عامة وتنطبق على كل أنواع الأفكار.. صحيح إن عمومية فكرة مو دليل على صحتها.. لكنها بلا شك علامة من علامات جمال الفكرة. تشارلي (خلاص صار صديقي) كان يتكلم عن الإتيان بأفكار لأفلامه اللي يكتبها.. ولكن مخي يوم قرأ عبارته، مع علمي المسبق بالسياق اللي كان يتكلم فيه، علطول أَسقط العبارة هذي على واقعي البعيد كل البعد عن عالم الأفلام..