السؤال بصيغته العامه مازال يحيرني، لكن أعتقد إني لقيت جواب لصيغة مقيدة: ليش أشارك أفكاري؟ بتدوينة سابقة (يبيلي ألقى تصغير لكلمة تدوينة، لأني ما أعتبر اللي أكتبه تدوينات) كتبت كيف إن الكتابة ممكن تستخدم لقياس وضوح فكرة. بس هذا مايجاوب على سؤال ليش أشارك كتابتي. ليش ما أخلي كتابتي لنفسي.

أحد الفوائد ممكن يكون إن الآخرين يصححوني إذا أخطأت.

فائدة ثانية هي إني أقيس مدى وضوح تعبيري من خلال مقارنة الفكرة كما أتخيلها والنسخة من الفكرة اللي وصلت لواحد قاعد أناقشه حول “تدويناتي”. وفيه فرق بين وضوح التعبير ووضوح الفكرة. وأحس لازم أطور نفسي بالثنتين.

بس أحس أهم دافع، هو إني أبي أقرأ أفكار الناس الثانين.. وأحس ماينفع أتوقع منهم كتابة أفكارهم بدون ما أكتب أنا.